بسكويت الجبن ( سناكس السهره اللذيذ)

2 ونص كوب دقيق كوب مليان جبنه بيضا اسطنبولى كوب ذبده بحراره الغرفه رشه ملح ( المقادير فالصوره لكوبين دقيق بس) خلط كل المكونات مع بعض كويس اوى ونتاكد من اختفاء الجبنه والذبده الخلط يكون بسرعه عشان الجبنه متدوبش مش محتاجين نعجن مجرد دمج للمكونات هتكون عندنا عجينه لينه بتلزق شويه\ هنشتغل بالعجينه علطول مش محتاجه ترتاح نفردها على سطح مرشوش دقيق بسمك رفيع وتقطع اصابع ترص فى صينيه مفروشه ورق ذبده هنا عملت صينيه حجم صغير ندهن الوجهه بلبن او بيضه مخفوقه نرش الوجهه بحبه بركه او سمسم او كمون او ملح خشن او يانسون او شطه او توابل البطاطس تدخل فرن على حراره من وسط لعاليه حتى تاخد لون ذهبى من اسفل ثم نفتح الشوايه ونراقبه

كريب بيتي جنااان وحشوة الدجاج المميزه

٤ بيضات ٤ كوب دقيق ٤ كوب لبن حليب معلقه صغيره ملح رشه فلفل فى بوله عميقه نضع البيض ثم اللبن ثم الملح والفلفل نخلطه بالضرب حتى يختفى البيض تماما نضيف الدقيق نخلط كويس اوى كده خليط الكريب جاهز ننقله فى اى وعاء سهل نصب منه ويدخل الثلاجه ساعه يرتاح نسخن طاسه تيفال ( مقلاه) وندهنها بزيت خفيف ( انا استخدمت ورق مطبخ) نصب الخليط فى نصف الطاسه نحرك الطاسه شمال ويمين لنوزع الخليط كويس نميل الطاسه فى اتجاه الخليط القليل حتى يتساوى ننتظر حتى يستوى من اسفل ثم نقلبه انا قلبته بالطاسه نفسها لكن انت ممكن تستخدمى اى اداه تفضليها وممكن تستخدمى عصاه الشيش طاووك حشوه الدجاج معلقه مسترده( خردل) معلقتين مايونيز معلقتين كاتشب ( بيتى وهنزله قريب باذن الله) معلقه باربكيو صوص نص معلقه صغيره بابريكا نص معلقه صغيره بهارات دجاج نص معلقه صغيره زعتر ملح وفلفل نقطع الدجاح مكعبات ونضيفه ونخلط كويس نغطيه بكلينج فيلم ( البلاستك الغذائى) ويدخل الثلاجه ساعتين على الاقل نقطع بصل وفلفل اخضر جوانح ( شرايح رفيعه) ونفرم اربع فصوص ثوم نشوح البصل فى زيت ثم نضيف الثوم نضيف الدجاج ونشوح على نار عاليه حتى لا يخرج ماءه نهدى النار ونتركه يستوى اخر شىء نضيف الفلفل ونشوح دقيقه فى طريقتين للحشو الطريقه الاولى : نفرد الكريب على طبق ونضع الحشوه فى ربع ونثنيه مرتين ( لنص ثم لربع) الطريقه الثانيه : نقفل الكريب بالشكل ده ( نثنيه مرتين لنص ثم لربع) ثم نضع الحشوه هنا حشيته بحشوه الدجاج وجبن موزريلا وحمصته فى الساندوتش ميكر

التورتلا المكسيكيه

٣ اكواب دقيق معلقه صغيره ملح معلقه صغيره سكر ٢ معلقه كبيره زيت نباتى حوالى كوب ونصف ماء دافى ( فات فى بوله ننخل الدقيق على الاقل مره ( انا بنخله مرتين او ثلاثه ) نضيف الملح ثم السكر ونخلطهم كويس نعمل حفره فى النص ونضيف الزيت نبدأ باطراف اصابعنا نخلط الزيت مع الدقيق هنا الدقيق تشرب الزيت تماما نبدأ نضيف الماء بالتدريج ونعجن حتى تلم العجينه ( حوالى كوب ونصف ماء حسب نوع الدقيق ) نرفع العجينه على سطح مرشوش دقيق ونبدأ نعجن نعجن بضهر الاصابع كأننا بنضرب العجينه بالبوكس ونلم العجينه بضهر ايدينا من بره لجوه نستمر فالعجن حتى نحصل على عجينه لينه وطريه ( كلما زادت فتره العجن كلما كانت النتيجه افضل ) نضع العجينه فى بوله نظيفه ونغطيها بالكلينج فيلم ونتركها ساعه ترتاح نقطع العجينه لكور متساويه ونفردها بسمك رقيق على سطح مرشوش دقيق نقطعها على شكل رغيف بقطاعه دائريه نسخن طاسه تيفال ونضع الرغيف ونضغط عليه باطراف اصابعنا حتى يستوى من تحت نقلبه وننتظر حتى يستوى من الجانب التانى نضع الخبز فى طبق عميق ونغطيه بفوطه نظيفه جيدا او الافضل يلف فى فوطه ويوضع داخل الطبق حتى لا ينشف ويفضل طرى وبالهنا والشفا

شاورما الدجاج زي المطاعم باستخدام عيش التونيلا

المكونات : صدور دجاج مخليه ومقطعه شرائح سميكه ( الشاورما بتتعمل من الصدور فقط) ٤ فصوص ثوم مهروسين ربع كوب خل نصف كوب زيت عصير ليمونتين التوابل: نصف معلقه صغيره بهارات مشكله، اقل من ربع معلقه قرنفل مطحون، معلقه كبيره ملح، رشه فلفل اسود، ٤ فصوص مستكه مطحونين معلقه صغيره سماق، نصف معلقه صغيره بابريك فى بوله نضع الثوم المفروم ثم الزيت والخل والليمون نضيف الملح والفلفل والبهارات والقرنفل المطحون والمستكه ونخلط اخر شئ نضسف السماق والبابريكا نضع الدجاج ونخلط كويس ويغلف ويدخل الثلاجه ليله كامله ثانى يوم: نقطع بصله ونضعها فى صينيه فرن كقاعدة نغرس عصيان شيش طاووك فالبصله نبدأ نغرس قطع الدجاج كده خلصنا الكميه كلها ممكن نضيف شرائح فلفل رومى او فلفل حار أو طماطم سليمه او بصل تانى انا ضفت فلفل وطماطم ( طعمها مشوى مع الدجاج رائع) نغلفه بورق ذبده ثم ورق فويل باحكام نضع نصف كوب ماء فى الصينيه ندخلها الفرن على حراره عاليه لمده ساعه تقريبا وكل مالمياه تنشف نزودها بعد ساعه نفتح ونتاكد أن لحم الدجاج استوا تدخل الفرن مكشوفه تحت الشوايه حتى تتحمر وتاخد لون ( لازم يكون فى مياه فالصينيه عشان اللحمه متنشفش) فى الوقت ده نجهز الثوميه البيتى : نصف حبه بطاطس مسلوقه ٣ معالق مايونيز علبه ونصف ذبادى ٤ فصوص ثوم مهروسين معلقتين كبار خل ملح وفلل ٤:٣ معالق زيت نضع كل المكونات فالخلاط ماعدا الزيت ونخلطهم كويس ثم ننزل بالزيت على شكل خيط مع الخلط حتى نحصل على قوام مناسب لعمل السندوتشات: خيار مخلل بطاطس محمره الثوميه نفرد التورتلا ونضع قطع الدجاج ثم الخيار المخلل ثم البطاطس وآخر شىء الثوميه وبالهنا والشفا :))

السينابون الخطيييييير

مكونات عجينة السينابون :: .. نص كباية لبن ....2 كوب دقيق ..... ربع كباية سكر ......تلت كوباية زبدة ...... بيضة ... معلقة و ربع خميرة فورية .....رشة ملح ..... اللبن علية السكر و قلبيهم كويس حطى عليهم الخميرة و غطيها و حطيها فى مكان دافى 10 دقايق تخمر ..... حطى عليها بقى البيضة و الملح و الزبدة ..و ممكن تحطى فانيليا كمان ..... قلبيهم كويس اوى مع بعض ..... حطى عليها بقى الدقيق بالتدريج و قلبى .... اخلطيهم كويس مع بعض هتلاقيها بتلزق سوية دة الصح ... على الرخامة رشى دقيق و حطى العجينة و هى ملزقة كدة و لميها بأيدك و اعجنى فيها مش هتبقى بتلزق خالص ... اعجنيها كويس لغاية متكون طرية اوى معاكى و مبتلزقش. ... كدة لمت خلاص سبيها ترتاح و تتخمر تقريبا ساعة أو اكتر .... لما يضاعف حجمها و تنفش. .... هحضر بقى الحشو ..... كباية سكر بنى ... و طبعا معندكيش سكر بنى عادى جدااا و انا كمان معنديش 😄 هاتى السكر الأبيض و حطى علية معلقة كبيرة عسل اسود و قلبية كويس هيبقى سكر بنى أن شاء الله 😄. .. و علية معلقتين من القرفة و معلقة كاكاو خام "اختيارى "... العجينة خلاص خمرت افردى بقى ورق زبدة علشان متلزقش منك على الرخامة و رشى شوية دقيق و نزلى العجينة.... افرديها بأيدك على شكل مستطيل. ... و افرديها بالنشابة كويس ..... بعد ما اتفردت ادهنيها بالزبدة بدرجة حرارة الغرفة .... و حطى عليها بقى الحشو و افردية .... و لفى بقى العجين براحة على شكل رول 👍 بخيط قوى عندك و هنقطع السينابون علشان الخيط بيقطعها بشكل نظيف و مظبوط و حلو لاكن السكينة بتبوظ شكلة و دى تركة مهمة علشان تحفظ على شكل السينابون. ...... اقطعى الرول الأول من النص علشان يكون أسهل. .. خلاص اتقطع هاتى بقى صينية و ادهنيها زبدة و حطى عليها السينابون و سيبى مسافة بسيطة ما بين كل واحدة و غطيها و سبيها تتخمر تانى تقريبا ساعة و هيتضاعف حجمها و السينابون كلهم هيلزقوا فى بعض .....كدة بعد ما خمرت هى جاهزة دخليها الفرن على درجة 350 او أعلى درجة فى الفرن تقريبا 10 دقايق و طلعيها علشان نحطلها كريمة. ... بعد ما فات 10 دقايق عليها فى الفرن طلعيها و حطى عليها كريمة خفق على الوش و دخليها تانى الفرن تكمل تسوية تقريبا 10 دقايق كمان لغاية ما تاخد اللون الذهبى ... هنحضر بقى التوبينج الهيتحط عليها من فوق .... 8 مكعب جبنة كيرى .... كوباية سكر بودر ... ربع كباية زبدة بدرجة حرارة الغرفة. ...معلقة صغيرة فانيليا. ...و رشة ملح .... حطى الجبنة مع الزبدة و الفانيليا و رشة ملح قلبيهم على بعض كويس اوى.... اهرسيهم فى بعض .... حطى عليهم السكر البودر و كملى تقليب كويس ... حطى عليهم معلقتين تلاتة كبار من اللبن و كملى تقليب ... اول ما يطلع السينابون من الفرن حطى منة عليها ...