الفطيره التركي

نخلط السكر والخميره مع ٣ معالق ماء ونغطيها ونتركها تتفاعل

ننخل الدقيق ونضيف رشه الملح

نضيف الخميره على الدقيق

ثم اللبن

نرش سطح دقيق ونبدأ نعجن فيها ولو بتلزق نزود رشه دقيق ونعجن حتى نحقق على عجينه لينه بتلزق خفيف
منزودش دقيق كتير واحنا بنعجن مجرد رشات خفيفه عشان متنشفش
كلما زادت فتره العجن بنحصل على عجينه لينه ووممتازه

ندهن العجينه زيت وتوضع فى علبه مدهونه زيت
تغطى باحكام وتلف فى فوطه
ونضعها فى مكان دافى حتى تتخمر ويتضاعف حجمها

نشوح البصل والثوم المفرومين

نضيف اللحم المفروم

نقلب حتى لا يتكتل

عندما يتغير لونه نضيف الملح والفلفل والبهارات

نضيف الطماطم المبشوره ونقلب ونتركها على النار حتى تستوى وتنشف تماما من اى سوايل

هنا الحشوه جاهزه ونتركها تبرد تماما

نقسم العجينه لنصفين 
نفرد نصف ونقصه على حجم الصينيه

نفرد العجينه فى الصينيه

نضع الحشوه ثم نصف خليط الاجبان\\

نفرد النصف الثانى

نغطى بيه الحشوه ونقص الزوايد

نخرمها بشوكه

نركب جوانب الصينيه ونرش باقى الاجبان ورشه سمسم وممكن حبه البركه

تدخل فرن سخن جدا على الرف الاوسط ونهدى النار لوسط بعد ٥ دقائق وعندما تستوى من اسفل نشعل الشوايه ونراقبها
بتاخد حوالى ٢٠:١٥ دقيقه بس

\