ازاي اعمل الاندومي في البيت ^_^

... دي أدوسية بتتجاب من عند بتاع الكنافة والقطايف أو أكياس من السوبر ماركت وسعر الكيلو مش غالي وبتدي نفس نتيجة الاندومي بتجيبوها وتحطوها في مايه مغلية لمده 5 دقايق وبالنسبة للتوابل ( بودرة بصل + بودرة ثوم + ملح + فلفل أسمر + شطة وممكن تنوعوا في النكهات تضيفوا توابل فراخ او لحمه او سمك اللي من عند العطار وممكن تضيفولها زبده لو حبيتوا ... أنا أول مرة اجربها وفعلا نفس الطعم والشوربة زي بتاعت الاندومي بالظبط بس دي صحية وخالية من المواد الحافظه وبعيده عن كل التحذيرات اللي بنسمعها عن الاندومي وخطرها..

طريقة عمل التوابل طبيعية
(بودرة الثوم بتجيبي الثوم وتقشريه وتحطيه فصوص في الفرن ووطي خالص لحد ما ينشف تماما من المايه وبعدين اضربيه في المطحنه 
بودرة البصل الابيض بتقطعي البصل حلقات وبرضو في الفرن تنشفيه من الماية وتضربيه في المطحنه

بهارات الفراخ تزودي كاري وقرفة بسيط بس كده

وبهارات السمك بتحطي كمون وكسبرة مطحونه بدل القرفة والكاري)