البسبوسه الرهيبه جداااااااا

المكونات :

ربع كوب لبن
ربع كوب عسل نحل ( بديل الجلوكوز)
نصف كوب سمنه( زودى لو حابه بس هى كده مظبوطه)
نصف كوب سكر
كوب جوز هند
كوبين ونصف سميد ( استخدموا سميد نوعه كويس لأنه هيفرق انا استخدمت فايف ستار)
الشربات :
كوب ونصف سكر
كوب ونصف ماء
عصير نصف ليمونه
عود قرفه نضع السكر والماء على النار حتى يذوب الشكر نعصر الليمون ونتركه يغلى غلوتين فقط ونغلق النار

شربات البسبوسه بيكون خفيف وبنسقى بيه البسبوسه اول ما تخرج من الفرن وهو بيغلى

فى حله على النار نضيف اللبن

ثم السمنه والعسل ونقلب على نار هاديه لحد ما يسخنوا بدون غليان

نضيف السكر ونقلب لحد ما يدوب

نضيف جوز الهند ونقلب

نضيف السميد ونقلب

مجرد تقليب خفيف لحد ما تختلط المكونات ( مش عجن)

فى صينيه فرن نضع معلقتين سمنه ومعلقتين طحينه ( سر من اسرار طعم البسبوسه الجاهزه مش مجرد عازل عشان متلزقش)
ندهن بيهم الصينيه كويس

نفرد الخليط فى الصينيه ونساوى السطح بسباتيولا أو نبلل ايدنا ونساويها

نقطع البسبوسه بالشكل المفضل ونزينها بحبات اللوز أو البندق
تدخل فرن سخن على حراره وسط و تاخد حوالى نصف ساعه حسب الفرن طبعا

عشان البسبوسه توصل للون الدهبى المميز من الداخل والخارج ذى الجاهزه لازم يكون الفرن والع من تحت بس وتبدأ تاخد اللون من تحت لفوق بس لازم يكون الفرن هادى ونراقبها عشان متتحرقش ولو لقيتى الجوانب أصبحت دهبى غامق نقفل ونفتح الشوايه لو محتاجه

سقيتها مباشره بكل كميه الشربات ( الشيره) وهى بتغلى

نغطيها وندخلها الفرن تانى وهو مقفول ونتركها أكبر فتره ممكنه عشان ترتاح وتطرى

مرمله وطريه ولونها جميييل