شاتو الكراميل بطريقتى

مكونات الشاتو :

كوب سكر
كوب لبن
كوب زيت ذره
كيس كريم كراميل 
كوب دقيق
معلقه كبيره بيكنج بودر
فانيلا
بيضتين

مكونات الصوص :
نصف كوب سكر بودره
معلقتين ذبده طريه
٤ مكعبات كيرى
لبن حسب القوام المطلوب
المكونات ممكن نظبطها حسب القوام المطلوب نتقلها بزياده الجبنه ونخففها باللبن
ويمكن مضاعفة الكميه لصوص اكتر

فى بوله عميقه 

نضيف كوب سكر

ثم كوب اللبن

ثم كوب الزيت

ثم كيس الكريم كراميل ( البودره فقط بدون الكرميل)

ونبدأ نخلط

اخلطى كتيير لحد مالخليط يتقل

ناخد كوب من الخليط وندخله الثلاجه

نضع البيض والفانيلا على باقى الخليط ونكمل خلط

فى بوله تانيه ننخل الدقيق والبيكنج بودر

نضيف الدقيق بالتدريج للخليط مع التقليب فى اتجاه واحد من تحت لفوق بالسباتيولا أو معلقه خشب
نصب الخليط فى صينيه مدهونه سمنه ومرشوشه بالدقيق

تدخل الفرن على حراره ١٨٠ لمده خمس دقائق ثم نهدى ل١٦٠
نختبر السوا بسكينه أو عصاه شيش طاووك وطبعا اختبارى للكيك معلم كالعاده:))
نخرجها ونتركها تبرد خمس دقائق
ثم نقلبها على شبكه ونتركها تبرد خالص

بعد ما بردت فتحتها من النصف ودهنت النصف الأول بكريمه وقفلتها بالنصف التانى
الكريمه : عباره عن كريم شانتيه مخفوق بكريمه لبانى بدل اللبن

نخلط مكونات الصوص

ونزود لبن حتى نحصل على قوام مناسب

نخرج كوب الخليط اللى احتفظنا بيه فى الثلاجه ونخفقه بقليل من اللبن ( حوالى ٣ معالق كبار مجرد يفك لأنه هيكون جمد فالتلاجه ليتشربه الكيك بسهوله) وتسقى بيه الكيكه وننتظر حتى تتشربه
ثم نصب الصوص على الوجهه ونزينها بالكراميل
وتدخل الثلاجه ساعتين على الاقل

الكيكه ده دى ذى كيكات كتيير طعمها تانى يوم احلى

جربوها وهتدعولى