الحمام الكداب (افخاد دجاج محشيه بالارز)

المكونات :
افخاد دجاج مخليه من العظم وسليمه
الحشو :
بصله وسط
ارز مصرى ( كبشه يد لكل فخده)
بهارات مشكله وقرفه وملح وفلفل
للسلق :
حبه من كلك من ( بصل وجزر وطماطم)
فصوص ثوم وعود كرفس
ورق لورا وحبهان وملح وفلفل

اولا الحشو :
نشوح بصله فى سمنه حتى تدبل بس

نضيف ملح وفلفل وقرفه وبهار مشكل

نشوح

نضيف الارز المغسول ونقلب كويس لمده دقيقتين

نضيف ماء ( بالمقدار اللى فالصوره) بارتفاع الارز تقريبا

نسوى الارز ٣/٤ سوا فقط

نتركه يبرد تماما

نحضر الفخد ونفرده ونبدأ نضع الارز فى الطرف وممكن نضيف مكسرات

ونبدأ نلفه رول بالشكل ده ونحاول نضغط بايدنا للداخل عشان يكون محكم كويس

ممكن نغلقه خياطه او نستخدم عصيان الشيش طاووك او نلفه ذى عرق اللحمه البارده
نحكم لفه الاطراف

فى حله نسخن معلقه سمنه كويس

ونضع القطع ونبدأ نشوحها

حتى تتحممر خفيف 

ونقلبها على الجهه التانيه

نضيف الماء المغلى يادوب يغطى القطع
ونضيف حبه مقطعه من كل من ( بصل، جزر، طماطم) وفصوص ثوم وعود كرفس
وورق لورا و٣ حبوب حبهان مكسر وفلفل اسود وبهارات وملح
لازم نظبط الملح كويس عشان الارز يفضل ملحه مظبوط
على نار عاليه حتى تغلى ثم نهدى النار ونتركها تستوى ومش بتاخد وقت حوالى نصف ساعه

كده اتسلقت خلاص واستوت وطلعتها
ونحمرها فى زيت او ندهنها صلصه طماطم وتدخل الفرن

تترك تهدأ قليلا وتقدم سليمه او نفك الخيط وتقطع ترنشات 

انا مكنتش مصدقه قصه حمام كداب ده لكن بجد حمام شكلا ومضمونا :))