الفطيره التركيه

المكونات:

للعجينه:

كوبين ونصف دقيق
معلقه صغيره خميره
معلقه صغيره سكر
رشه ملح 
كوب لبن

للحشو:

لحم مفروم
بصل وثوم مفرومين
ملح وفلفل وبهارات لحم
حبه طماطم مبشوره
خليط اجبان : اى نوع جبن تفضليه او خليط من اكتر من نوع ( انا استخدمت موزريلا وقشقوان وكيرى)
حبه البركه او سمسم للوجهه

الطريقه:

العجينه:

نخلط السكر والخميره مع ٣ معالق ماء ونغطيها ونتركها تتفاعل

 نخل الدقيق ونضيف رشه الملح

نضيف الخميره على الدقيق ثم اللبن

نرش سطح دقيق ونبدأ نعجن فيها ولو بتلزق نزود رشه دقيق ونعجن حتى نحصل على عجينه لينه بتلزق خفيف
منزودش دقيق كتير واحنا بنعجن مجرد رشات خفيفه عشان متنشفش
كلما زادت فتره العجن بنحصل على عجينه لينه ووممتازه

ندهن العجينه زيت وتوضع فى علبه مدهونه زيت
تغطى باحكام وتلف فى فوطه ونضعها فى مكان دافى حتى تتخمر ويتضاعف حجمها

الحشوه:

نشوح البصل والثوم المفرومين

 نضيف اللحم المفروم

  نقلب حتى لا يتكتل

عندما يتغير لونه نضيف الملح والفلفل والبهارات

نضيف الطماطم المبشوره ونقلب ونتركها على النار حتى تستوى وتنشف تماما من اى سوايل

 نرفعها من على النار ونتركها تبرد تماما

التشكيل والتسويه :

نقسم العجينه لنصفين
نفرد نصف ونقصه على حجم الصينيه

انا استخدمت صينيه التشيز كيك لكن ممكن اى صينيه عاديه
نفرد العجينه فى الصينيه

نضع الحشوه ثم نصف خليط الاجبان

 نفرد النصف الثانى ونغطى بيه الحشوه ونقص الزوايد

نخرمها بالشوكه ثم نركب جوانب الصينيه ونرش باقى الاجبان ورشه سمسم وممكن حبه البركه

تدخل فرن سخن جدا على الرف الاوسط ونهدى النار لوسط بعد ٥ دقائق وعندما تستوى من اسفل نشعل الشوايه ونراقبها
بتاخد حوالى ٢٠:١٥ دقيقه بس

وبالهنا والشفا :)