المكونات
حبه بصل كبيره
خمس فصوص ثوم
فلفل رومى الوان
نصف كيلو سجق بلدى من جزار (لحام)مضمون
عصير طماطم أو صلصه طماطم بيتى
علبه مكرونه ( ٥٠٠ جرام) اى شكل تفضليه
ملح، فلفل اسود، بهارات مشكله، بابريكا، شطه( فلفل احمر حار)
اى نوع جبن تفضليه ( موزريلا، شيدر، قشقوان)
نفرم حبه بصل كبيره وخمس فصوص ثوم فرم ناعم
فى حله على النار نشوح البصل والثوم فى زيت ذره
نقطع السجق لحلقات صغيره ونضيفه
ثم نقطع الفلفل الألوان مكعبات ونضيفه ونشوح
نتبل فلفل اسود وبهار مشكل وشطه حسب الرغبه ( فلفل احمر حار) ورشه بابريكا
نشوح على نار عاليه
هينزل من السجق سمنه كتييير نحاول نصفيها ونتخلص منها
نضيف عصير الطماطم أو الصلصه البيتى ونظبط الملح ( لان السجق بيكون متبل) وبعد ما تغلى نهدى النار ونتركها تتسبك
فى الوقت ده نسلق المكرونه ( قلنا قبل كده لا يفضل نسلق المكرونه ونتركها على جنب ولكن أفضل شىء من مياه السلق على الصوص)
كده الصلصه اتسبكت و جاهزه
نصفى المكرونه ونضيف عليها صلصه السجق ونخلطها
ممكن طبعا ناكلها كده وبتبقى فظيعه
وممكن نصب المكرونه فى صينيه فرن كده
وعليها اى نوع جبن تفضليه وتدخل الفرن من فوق بس مجرد تذوب الجبنه
عشر دقائق وطلعتها يمييييييي
No comments:
Post a Comment